ԴՀՎԾ-Միջանկյալ ծրագրի 1-ին խմբի վերապատրաստման դասընթացները կմեկնարկեն 2023թ. հունվարի 30-ին Հայաստանի Հանրապետության Սննդամթերքի անվտանգության տեսչական մարմնում: ԴՀՎԾ-Առաջնագծի չորս խմբերն ավարտած մասնակիցներից ընտրվել են 14-ը, որոնք ՀՎԿԱԿ, ՍԱՏՄ և ԷՆ մասնագետներ են՝ ինչպես Երևանից, այնպես էլ մարզերից: Ուսուցումը կայանալու է առկա եղանակով անցկացվող 7 մեկշաբաթյա աշխատաժողովներով, որոնց ընթացքում կկիրառվի ԱՄՆ ՀՎԿԿ-ի ԴՀՎԾ Միջանկյալ ուսումնական ծրագիրը: Դասընթացը կմատուցեն Հայաստանի ԴՀՎԾ-ի դասընթացավարներ և մենթորներ. այն կղեկավարի Հայաստանի ԴՀՎԾ ռեզիդենտ խորհրդատու Լիլիթ Խաչատրյանը:
ԴՀՎԾ Առաջնագծի առաջին խմբի ուսուցումը սկսվեց 2021թ.-ի մարտի 1-ին՝ Առողջապահության ազգային ինստիտուտում:
2021թ.-ի հունիսի 18-ին Հայաստանի հանրային առողջապահության և անասնաբուժության ոլորտի 12 համաճարակաբաններ ավարտեցին ԴՀՎԾ-Առաջնագծի առաջին վերապատրաստումը Հայաստանում:
ԴՀՎԾ-Առաջնագծի երկրորդ խմբի ուսուցումը սկսվեց 2021թ.-ի սեպտեմբերի 13-ին՝ Առողջապահության ազգային ինստիտուտում:
